விதிகள் வலிமை மிக்கவை

-
துவைத்துப் போட்ட
வெள்ளை ஆடையில்
தெறித்து விழுந்த வானவில்
நிறங்களைப் பிரித்துத் தேடிய
நியூட்டனின் மூன்றாம் விதிக்குள்
குதித்து குளிக்கும்
உள்ளத்தின் வண்ணங்களை
உய்த்தறிய முடியாத
காதல் ஞானியர்கள்,
காதலர் தினத்தில் அணியும்
ஆடையின் வண்ணத்தை
அலசி ஆராய்ந்து தேடினர்.
விதிகள் வலிமை மிக்கவை
நிறங்களை விட.

Latha kanthaiya
( வன்னிமகள் எஸ்.கே.சஞ்சிகா)

Comments

Post a Comment

Popular posts from this blog

சித்து விளையாட்டு.

-
Image
கண்கள் என்ற சுனைநதியில்  காதல் என்ற அமுதசுரபி ஊற்றெடுக்கும். பறவைகளின் மகிழ்ச்சிச்சிறகைப்பாய் இதயத்தில் பரபரப்பு மேவும். ஜிவ்வெனப் பரவும் ஒருவித மெல்லின மின்சார தொடரலை அதிர்வு  தாலாட்டு மந்திரப்பாடல் பாடும். ஒளிநிறைந்த கண்கள் மனதைத்திருடித் திருடி இருளைப்போர்த்துக் கொள்ளவே அவஸ்தைப்படும். பூக்களும் பாக்களும்  தெய்வ தரிசனமும் சாட்டுப்போக்குக்கு துணை நிற்கும். நட்புக்களை விட்டு விலத்திய மௌன குறுகுறுப்பு குற்றால அருவியாய் குதித்தாடும். ஏதோ ஒரு பரமரகசியத்தைத் தேடும் மகரிஷிகளின் தவத்தில், நெட்டுருகிப் பாடும் சுலோகமந்திரமாகும் அந்தக் காதல்நாமம். தேடல் தேகத்தையே குறிபார்க்கிறதென கைவிரல்களின் மெல்லிய உரல்சல் உறுதிப்படுத்தும். அதையே இன்ப சுவர்க்கமென ஒரு அசரீரி உறுதிப்படுத்தி மாய வலை விரிக்கும். மூடாத விழிகள் இரவுகளை ரட்சகனாக்கி, இதயச்சோலையில் கதகளிநடனத்தை விதவிதமாய் அரங்கேற்றும். இரவுகள் இன்பத்தின் போதையென விழிமூடாத இரவுள் ரகசியமாய் ஏதேதோ கதைபேசி கிணுகிணுக்கும். விரல்கள் வரையாத வண்ணக் கடிதங்களை வரைந்து தீர்க்க மனத்தூரிகை ...
Read more

அஞ்ஞாதவாசம் புதிர்க்கதை

-
Image
அரசியல் சூதாட்ட அகங்களின் கபடத்தில் அகப்பட்டுச் சிதறியது அடைகாத்த இலட்சியம். சுய நலப் பிரிவுகளால் சொந்தங்கள் நடுத்தெருவில். உயிர்களின் இழப்புடன் தேசத்தின் துகில் உரிப்பு..... இரகசிய அமைதியில் தலைவனைத் தேடி காலக் காத்திருப்பு நீட்சியாய்.... வரமாட்டான் இனித் தலைவன் என்று இறப்பு சான்றிதழ் இல்லாமலே தலைவனுக்குப் போட்டியிட்டன பன்றிக் கூட்டங்கள். பஞ்சமா பாதகங்கள் பரந்தன தேசத்தில்... தலைவிரி கோலத்துடன் தரங்கெட்ட அரசியல்... ஆசன ஆர்வலரின் ஆசனங்களுக்கு  தீ மூட்ட அனுமானின் வால் நீள்கிறது .... பஞ்ச பாண்டவர்கள் தோன்றித் தொடுத்த போரில் மீண்டு கொண்டனர் தேசத்தை மீண்டும். அஞ்ஞாதவாசம் பன்னிரண்டு ஆண்டுகளை புதைத்துக் கிளர்வது. புரியாதவர்க்கு இது புதிர்க்கதை தான். வன்னிமகள் எஸ்.கே.சஞ்சிகா Latha Kanthaija
Read more

இதய முற்றத்தில்..... ❤💚❤💚❤💚❤💚❤ 🐤🐦🐤🐦🐤🐦🐤🐦🐤🐦

-
Image
"அன்பைத் தருகிறேன். ஆயுள்வரை எடுத்துக்கொள்." என்ற உன் திருவாயால்..... இப்போ.... "அதுக்கு வேற ஆள பாரு" என்கிறாய். உண்ட மிட்டாயை உடனே தா என்று சிறு பிள்ளை போல அடம் பிடிக்கிறாய். சிரிப்பு வருது உன் செய்கை கண்டு. "அன்பைத் தருகிறேன் ஆயுள் வரை எடுத்துக்கொள் " இவை எனக்காக உன் இதயம் சிலிர்த்த சிலிர்ப்பு. இதயத்தில் எழுந்த வாக்கொளி. அந்தக் குளிர்ச்சுவையை அந்த ஒளிவடிவை நானிழக்கத் தயாரில்லை. ஆயுள் முடிந்த பின்னும் உன் அன்பில் நனையும் அழகிய வரமது. "விதைத்தவை தான் அறுவடையாகும்" என்கிறாய். குஞ்சு பொரிக்கவும் கதகதப்பான அடைகாப்புத் தேவை. என் அன்பு முட்டைகளை உன் கோபத்தின் கதகதப்பில் அடைகாத்துக் கொள். அவை அழகான குஞ்சுகளை நிறைவாகப் பொரித்து இதயத்து முற்றத்தை நிறைத்து மென் மொழியால் அழகூட்டட்டும். வன்னிமகள் எஸ்.கே.சஞ்சிகா Latha Kanthaija
Read more